2769/2022-2023
23.11.22: New Delhi-a cham mek ICT Minister Pu Robert Romawia Royte chuan Mizoram ICT Deptt-in projects an siamte MEITY Ministry leh Deptt of Telecommunications (DoT) ten an zir chiana an recommend hnua Finance Ministry an thawn tawh si la tang mekte chu umzuiin Finance Ministry-a a changtu Dr Sajjan Singh Yaday, Addl Secretary leh Director Dependra Kumar te nimin chawhma khan a meeting-pui a.

ICT Minister Pu Robert Romawia Royte chuan sawifiah ngaite a hrilhfiah hnuah Deptt of Expenditure, Finance Ministry chuan IT Projects hrang hrang atan Rs 7225 Lakh chu nimin khan a sanction nghal ta a ni. He mi rual tho hian Deptt of Expenditure, Finance Ministry chuan Rs 2500 lakh chu Mizoram sorkarin hmasawnna ruhrel a siamna tur atan a sanction bawk a. ICT Minister kutah sum release-na order copy pawh an hlan nghal a ni. ICT Minister hi Prof F.Lalnunmawia, MLA & Vice Chaiman, Horticulture Board leh Pu Alex V Chawngthu MCS, Addl RC, Delhi Mizoram House ten an tawiawm a ni.

Qatar World Cup hawnna leh Opening Match chhimtu Sports Minister Pu Robert Romawia Royte chuan All India Football Federation (AIFF)-in World Cup Opening Ceremony leh Opening Match Tickets min ruahmansak avangin a man tlawmin kan lei a, ka lawm hle a. Sports Minister ka nih anga ka tih ngei ngei tura ka ngaih “a hmuna World Cup hawnnaa tel ve leh Opening Match a hmuna en chu ka tihlawhtling ta a, ka lawm hle a ni. Asia khawmualpuiah hian World Cup hi a awm leh ang nge tih pawh a hriat loh; Official-a Tickets lei tur kan hmuh theih chuan Sports Deptt-a Officers engemaw zat chu World Cup en turin official-a tirh hram kan tum ang” tiin World Cup a hnaih lai hian a tam thei ang berin a hmuna en a tha a tih thu a sawi a ni.