Lemziak thiamte kutchhuak chi hrang hrang, ni li (4) kalta chhunga Art Workshop neiha mite chu naktuk 4th June, 2016 hian Workshop neihna hmun Art Novelty, Chaltlang-ah a duh apiang en theihin pho chhuah a ni dawn.
He Art Workshop-ah hian Mizoram Art Development Society member 35 an tel a. Art Workshop neih chhung ni li (4) hian lemziak bakah lemtuk leh hlumbel siamte an zir ho a, hlawkna nasa tak an hmu tih member te hian an sawi a ni.
Tun tuma Art Workshop hi Chief Minister in sum a pek hmanga an neih a ni a, ama hming chawiin Lal Thanhawla Art Workshop tiin an vuah a ni. Nodal Department, Information & Public Relations Department uapna leh kaihhruaina in Art Workshop leh Art Exhibition tum tam tak an nei tawh a. An lemziak te hi ngaihlutu an pung sawt hle bawk a ni.
