2009/2023-2024

Dated Aizawl, the 26th September, 2023: Vawiin khan Chief Minister Pu Zoramthanga chuan a pisaah tun hnaia Mizoram University-in post graduate result a tihchhuaha Gold Medalist leh ICFAI University Result chhuaka topper, a bial chhung khua Sihphira mite chu chawimawina a hlan.

Gold Medalist pahnih chawimawina a hlan te hi Lalmuanzuali Royte d/o Lalthlamuana Royte, Sihphir; MA English, 1st Position (Distinction), ICFAI University Mizoram leh, Vanlalkroshlua Ngente s/o Vanlalhruaia Ngente, Sihphir; IMBA, 1st Position (Distinction), Mizoram University, Mizoram te an ni a. Chief Minister hian Lehkhapui (Citation) leh Laptop Computer a hlan a ni.

Chief Minister chuan, topper ni thei khawpa lehkha an zir chu chhuanawm a tih thu sawiin, Pathianin damna leh hun tha a pek te an hmang tha hle a ni, a ti a. An thiamna leh finna te Pathian, ram leh hnam tana hmang zel turin duhsakna kan hlan a ni.

Zirlai naupangte hi an nu leh pa leh Sihphir khawtlang hruaituten an rawn tawiawm a ni.