2008/2023-2024

Aizawl, 25th September, 2023: Vawiin khan P&E Minister Pu R. Lalzirliana'n Selesih Local Council House-ah a thlawna inentirna (free health clinic) a hawng.

Pu R. Lalzirliana chuan Health Clinic neih theihna tura ruahmanna siam saktu Health Minister Dr. R. Lalthangliana hnenah lawmthu a sawi a, khawtlang hmasawnna tehfung pawimawh tak chu hriselna a ni tih sawiin taksa enkawl uluk turin kalkhawmte a chah a, Aizawla kal harsa te tan hun remchang chhawpchhuah a ni chu lawmawm a tih thu sawiin tangkai taka chhawr turin mipuite duhsakna a hlan a, a thlawna sem tur damdawi thawhtute chungah lawmthu a sawi a, naktukah Durtlangah health clinic hi neih chhunzawm a nih tur thu peh naktipah Leitan Ramtharah neih a ni bawk tur thu a sawi a ni.

Health Clinic ah hian Civil Hospital, Aizawl atangin daktawr pali - Dr Lalnunmawii, SMO, Dr C. Lalrinchhana, Dr Lalthlamuana leh Dr Lalnuntluanga te an kal a ni.