2007/2023-2024

Aizawl, 25th September, 2023 : Vawiin chawhma dar 11:00 khan 3rd Bn Mizoram Armed Police Headquarters, Mualpui ah Disaster Management and Rehabilitation Department leh 3rd Bn Mizoram Armed Police tang kawp te chuan kar hnih chhung awh tur, chhiatrupna a lo thlen thulh a chhanchhuahna hna thawh dan tur zirna hun State Disaster Response Force (SDRF) 3rd Bn MAP-te tan an buatsaih chu hawnna neih a ni a.

He hun ah hian Pi K Lalrinzuali, IAS, Secretary, Disaster Management and Rehabilitation Department chu khuallian niin a hman pui.

Pi K Lalrinzuali hian Training a tel te chu chhiatrupna a lo thlen thulh ah an thiamna te hmang tangkai a, tanpui ngai te tanpuitu ni thei turin theihtawp chhuah a training a tel turin a chah a ni.

Disaster Management and Rehabilitation Department hian tunhma deuh khan State Disaster Response Force-te tan training a lo buatsaih tawh thin a, State Disaster Response Force mi te hi pension leh hmun dang a post te an awm thin avangin, State Disaster Response Force te tan a training thawh hnihna hi 3rd Bn MAP ah neih hmasak ber a ni.

State Disaster Response Force training ah hian 3rd Bn MAP atangin mi 45 training turin an tel a, Disaster Management & Rehabilitation Department, Aizawl District Quick Response Team leh National Disaster Response Force lam a mithiam ten training an pe dawn a ni.