Ni 5.2.2014 Nilaini kalta khan Chief Minister Pu Lal Thanhawla leh a nupui Pi Lal Riliani te chuan Kolkata hmar lama Pathian thu zirna hmunpui Serampore College an tlawh a, Faculty of Research, SATHRI building thar hawnna an hmanpui nghal.

Chief Ministeer Pu Lal Thanhawla chuan Pathian thu zirna hmun pawimawh tak leh Theologian tam tak zinga khawsak chu a insitawm duh hle a a hriat thu a sawi a. Theological Education pawimawhzia leh hmasawn tir zel tul a tih thu a sawi bawk a. Mizo ten Pathian thu an duhdan leh rawngbawlna kawnga an inpekna a ngaisanziate sawi bawkin Serampore College in hneh taka an lo dawngsawng chu ropui a tihthu a sawi bawk a ni.

SATHRI building hi sum tam tak thawhtu EMW Germany lam aiawh Rev.Martin Krieg in ribbon chepchatin a hawng a. Pu Lal Thanhawla leh Master of Serampore College Right Rev.Dr.JS Sadananda ten puanzar hawngin building thara ‘tablet’an hawng zui bawk a ni. Hawnna inkhawm hi Prof. Laltluangliana Khiangte, Principal & Secretary, Council of Serampore College in tawngtaina a hmang a, Senate President Right Rev. Isaac Mar Philoxenous in inkhawm a kaihruai thung a ni.

Serampore College mi leh sa ten Chief Minister Pu Lal Thanhawla leh a nupui te chu an ngaihsan thu sawiin, an bula awm nuam an thithu an sawilang a. Convocation tura kalkhawm, India hmun hrang hrang atanga Principal leh Theologians te pawhin Chief Minister thusawi hi an ngaithla ngun hle a ni.

Chief Minister te nupa hi Pu Talo Rosanga, Jt Resident Commissioner, Mizoram House, Kolkata in a tawiawm a ni.