4517/2024-2025
Dated Serchhip, the 4th March, 2025: Chief Minister's Bana Kaih Inventor's Challenge hnuaiah 'Open Category for Hardware Innovation' chu Serchhip District tan buatsaih a ni dawn a. He Inventor's challenge hi India khua leh tui Serchhip District-a chengte tan hawn a ni a. Themthiamna hmanga khawl emaw thil thar hman tlak siam chhuah hmangin inelna hi neih tur a ni a. Lawmman hetiang hian buatsaih a ni.
Lawmman Pakhatna- Rs 25,000
Lawmman Pahnihna -Rs 15,000/-
Lawmman Pathumna-Rs 10,000/-
Intihsiakna-a tel turte chuan March ni 5, 2025 (Nilaini) ral hmain link tarlan forms.gle/APTHQvqNT7uxzuJD9 -ah hian registration tih tur a ni.
DC Office, Serchhipah intihsiakna hi March Ni 11-ah hian neih tur a ni a. District-a a tha zual thlan chhuah te hian State Level-ah intihsiakna hmachhawn lehin Seed Fund cheng Nuai 8 thleng an dawng thei dawn a. He inelna chungchanga hriatfiah duh neite chuan ph no: 8415854261 ah zawhfiah theih a ni.
Hriat tur pawimawh te:
- Khawl siam chhuah tur chu thil thar/ tih dan thar (innovative idea) a ni tur a ni.
- Thil awm tawh sa pho chhuah nawn emaw, mi siamsa entawn a rem lo ang.
- Intihsiakna dang - Innovation competion, PUM etc a lawmman la tawh khawl te chu telpui a rem lo ang.
- Thil dang awm tawh sa te lak atanga a danglam bikna chiang taka tih lan tur a ni.
- khawl siam dan tur idea chauh emaw, khawl siam tawh (prototype) emaw pawh pawm a ni.
- District tina ti thate chu March 25-27 chhungin State level-ah an inel leh ang.
