4516/2024-2025

Aizawl, March ni 3, 2025; Vawiin chawhnu khan Apex Committee of State Water and Sanitation Mission (SWSM) chu an Chairman Chief Secretary Pu Khilli Ram Meena hovin CS Conference Hall, MINECO ah an thukhawm a. Swachh Bharat Mission (Grameen) Phase-II hnuaia kum 2025-26 chhung atana hmalakna tur Annual Implementation Plan (AIP) chungchang an sawiho a ni.

AIP ruahman atan hian cheng nuai 2549 chuang ruahman a ni a. Mizoram district 11 zingah December ni 31, 2024 thleng khan district 7 chu ODF Plus (Model) ni tawhin, kumin March thla tawpah hi chuan district 8 neih beisei a ni a. 2025-26 plan atan hian a bak district 3 chu ODF Plus (Model) an nih beisei a ni. Chutiang bawkin khaw 637 hnuaiah 569 chu ODF Plus (Model) ni tawhin, kumin March thla ah khaw 51 a pung leh tura beisei a ni a; AIP ah hian khaw 17 dah a ni. Hmalakna tur hrang hrang zingah vantlang ek in atana soak pit siam te, tui hawk sawngbawl te, bawlhhlawh khawn khawmna leh paih leh sawngbawlna leh a dang hrang hrangte a tel a ni.

Meeting-ah hian PHED atangin leh member despertmend dang - LAD, Finance, I&PR, School Education, H&FW, P&PI, RD atanga Secretary te leh an aiawhte an tel a ni.