4515/2024-2025

Khawzawl, dated 3rd March 2025: Vawiin khan Khawzawlah Chapchar Kut 2025 Working Committee chu Khawzawl DC Meeting Hall-ah an thukhawm a, Chapchar Kut 2025 hman dan tur rel a ni a, Working Committee Chairman Pu Lalfakzuala, Addl. DC-in meeting a kaihruai.

Chairman Pu Lalfakzuala chuan Chapchar Kut chu Mizo-te tan a hun hlu leh pawimawh tak a nih avangin hemi Kut atang Working Committee-te chu Kut hlawhting leh hlawkthlak tak hman a nih theih nan theihtawp chhuah a ngaihtuahna seng turin a chah a ni.

Meeting-ah hian Khawzawl a Chapchar Kut 2025 hman dan tur programme duan niin he hun a item nei turte ruat chhuah an ni a, duty leh mawhphurhna hrang hrang neite ruat an ni bawk.

Chapchar Kut 2025 hi March ni 7, 10:30 AM ah SYMA Field, Zuchhip Veng, Khawzawlah a hman tur a rel a ni a, he hunah hian Mizo hnamzia phochhuak thei hnam lam leh zaite leh Mizo infiamnate entir a ni ang.