4501/2024-2025

Saitual, the 28th February, 2025: Chief Minister's Bana Kaih Inventor's Challenge chungchangah Saitual District Bawrhsap Dr. Lalngura Tlau chuan a hnuaia tarlan ang hian thu a chhuah:

Chief Minister's Bana Kaih Inventor's Challenge hnuaiah 'Open Category for Hardware Innovation' chu Saitual District tan buatsaih a ni dawn a. He Inventor's challenge hi India khua leh tui Saitual District-a chengte tan hawn niin themthiamna hmanga khawl emaw thil thar hmantlak siam chhuah hmangin inelna hi neih tur a ni a. Intihsiakna atan hian khawl siam dan tur idea chauh emaw, khawl siam tawh (prototype) emaw pawh pawm a ni.   

Lawmman Pakhatna- Rs 25,000 

Lawmman Pahnihna -Rs 15,000/-

Lawmman Pathumna-Rs 10,000/-

Intihsiakna-a tel turte chuan 5th March 2025 (Nilaini) ral hmain link tarlan forms.gle/APTHQvqNT7uxzuJD9 -ah hian registration tih tur a ni.

DC Office, Saitual ah intihsiakna hi March Ni 11-ah hian neih tur a ni a. District-a a tha zual thlan chhuah te hian State Level-ah intihsiakna hmachhawn lehin Seed Fund cheng Nuai 8 thleng an dawng thei dawn a. He inelna chungchanga hriatfiah duh neite tan a hnuaia number- ah hian biakpawh theih a ni e. 

1) Pu Lalthakima Chhangte, SDO(Sadar) - 9774294825 

2) Pu Mickey Lalenkawla, DEO Saitual - 9612104399 

3) Pi F. Zodingpuii, DIPRO Saitual - 9599759310