2490/2022-2023
Aizawl the 31st October 2022 : Vawiin khan Secretary, Planning & Programme Implementation-cum-Chief Registrar of Births & Deaths ni bawk Pu Lalmalsawma Pachuau, IRS, kaihhruaina hnuaiah Inter-Departmental Coordination Committee on Civil Registration System of Births & Deaths chu SAD Conference Hall, MINECO-ah an thukhawm.

Economics & Statistics Director-cum-Addl. Chief Registrar of Births & Deaths Pu B. Lalrinhlua chuan 20th IDCC Meeting thukhawmin a lo rel tawh (resolution) bawhzuina leh hmalak tawhna hrang hrangte a tarlang hmasa a. Vawiina IDCC meeting-ah hian IDCC member-ten an thurel zingah Date of Birth proof chungchang te, Digitized Certificate of Births & Deaths, Delayed Registration, Religious Certificate, Birth Certificate-a Pian ni/Thih ni/Hming thlak, rampawna mi (foreigner) Birth Certificate siam sak chungchang te a tel a ni. Heng bakah hian IDCC Member atan NHM Director leh District Medical Superintendent ruat belh leh Registrar-te chu an retire/penson hma ngeiin anmahni thlaktu turte ruat fel nise tiin rel nghal a ni bawk.

Vawiin IDCC Meeting-ah hian Economics & Statistics officials te bakah district tina DC emaw an aiawhte, Census Operations, Law & Judicial, Health Services, Hospital & Medical Education, School Education, Higher& Technical Education, Social Welfare & Tribal Affairs, Information & Public Relations leh Food, Civil Supplies & Consumer Affairs Department aiawh official-te an tel kim hle a ni.

Attachment

  • Loading attachment...