Vawiin khan NEC Meeting Review, New Secretariat Conference Hall-ah neih a ni a, Chief Secretary Arvind Ray chu khuallian a ni. Dr. C. Vanlalramsanga, Secretary, Planning Department chuan a kaihruai a. He meeting-ah hian Pu Ram Muivah, Secretary, NEC; Pu Lalnunmawia, Secretary, Home Department etc te an tel.

Khuallian chuan Mizoram hmasawn nan NEC hi pawimawh a tih thu a sawi a, scheme chungchangah zawhna leh harsatna kan neih chuan NEC  chuan tanpui min peih reng a ni, tiin a sawi.

NEC-ah hian cheng vaibelchhe 4500 fund a awm a, NEC Liabilities atan cheng vaibelchhe 2357 a ni. Scheme thar tam tak awmin, chung zingah chuan Bamboo Sector, Vawk vulh tih hmasawnna, Tourism hmasawnna, Health Education, Higher Education atana hostel siamte, Science leh Mathematics zirtirtute training pek, media chi hrang hrang satellite TV, Digital hmanga hmun hla zawka zirna tih hmasawnte a tel a ni. Kum 2017-18 inkar, ni 30.4.2018 thleng hian project 38 awmin, cheng vaibelchhe 612.75 pawm tawh niin, kum 2 chhunga project la zawh loh project 10 chungchang sawi ho a ni a, heng project 10 te hi zawh fel a nih hun tur hun bi ruat a ni bawk a ni.

Pu Ram Muivah chuan state dangah NEC Review Meeting hi neih zawh a nih hnuah, Regional Meeting hi Shillong-ah neih a nih tur thu a sawi a. Kum thar hman mekah hian Utilization Certificate sojeubmit chu ngai pawimawh turin a chah a, project proposal te pawh thehlut zel turin a fuih bawk a ni.