Vawiin khan Chief Secretary Pu Lalmalsawma IAS hovin sorkar department hrang hrang hotu liante leh NLUP Implementing Board(NIB)hotu ten NIB leh I&PR department hmalakna a Doordarshan Aizawl kaltlanga Mizoram Hmasawnna Lamtluang(MHL)TV programme, kar tin zirtawp zana tih chhuah thin chu changtlung zawka kalpui na tur chungchang Secretariat conference hall-ah an sawi ho.

Mizoram hmasawnna hmel leh sorkar department hrang hrang ten ram hmasawnna hna an thawh dan te he programme hmanga mipui ten chiang zawka an lo thlir theih nan a enkawltu NLUP Media Cell leh sorkar department hrang hrang te thawh hona tur leh hmalakna tur pawimawh te sawiho a ni. Huam zau zawk leh changtlung zawka he programme kalpui zelna tura ruahmanna duan te chu I&PR Minister chairman na hnuaia Inter departmental media coordination committee ah thlen tura tih a ni.