3395/2022-2023

Aizawl 27th January 2023: Vawiin khan G20 Chief Coodinator Pu Harsh Vardhan Shringla chuan Aizawl lo thlengin, tlai dar 4-ah khan Secretariat Conference Hall, MINECO-ah Chief Secretary Pi Renu Sharma hovin March thlaa Business 20 kan lo thlen tura Mizoram G-20 Core Team leh Sub-Committtee Meeting neih a ni.

He meeting-ah hian Security & Traffic, Logistics & Transport, Conference, Programme & Event Management, Information & Publicity, Medical, Protocol, Hospitality, Accommodation, Reception, Aviation, IT & Multimedia leh thil danga Core Team leh Sub-Committtee te inbuatsaihna powerpoint presentation-a thlirho leh sawiho a ni.

G-20 Chief  Coordinator Pu Harsh Vardhan Shringla chuan G20 meeting sawm chu khawpui pakhuaah neih a nih tawh thu sawiin, India ram pumpuiah G20 denchhena meeting 215 chu India ram khawpui 56 ah neih a nih tur thu a sawi bawk a. Mizoramin a lo thlentur B20 Meeting ah G20 Branding pawimawhna te sawiin, regional language leh English hman te, ram dang atanga lo kal delegates leh officials te tana hmuh nuam lo awm thei thilah khuhmawi/masking hmundanga an tihdan te sawiin, Mizoram sawrkar chuan Jan Bhagidari buatsaih a pawimawh thu te leh hmundangah chuan cycle rally leh motorcycle rally an neih thu te a sawi bawk a ni. Sustainable Development Goals in a ken tel recycle hmanga G20 Logo Hyderabad a an siam entirna hun a nei bawk a. State thenkhat Pune, Mumbai, Kolkata, Rajasthan, Manipur ten G20 denchhena an khawpui an chei danglam dan (transformed city) te sawina hun a nei bawk a ni.

G-20 Chief Coordinator hi Pu Vibhu Nayar, Additional Secretary and Financial Adviser, Ministry of External Affairs, Ms Smriti, Joint Secretary (Branding), Col. Peyash Shukla, OSD (Logistics G20) and Nodal Officer for Mizoram, Brig. Ashish Battacharyya, Senior Director, CII, Agency for Conduct of G20 leh midangten an tawiawm a ni.