3396/2022-2023

Aizawl 28th January 2023: Zan khat chama Aizawl lo zin G20 Chief Coordinator Pu Harsh Vardhan Shrigla leh a team-te chu nizan khan Mizoram Tourism Minister Pu Robert Romawia Royte chuan Chaltlang Tourist Lodge-ah zanriah kilpuiin mikhualte tan Mizo hnam zerang pholanna 'cultural evening' neih a ni bawk.

Chief Coordinator chuan G20 meeting neihna tur atana Mizoram sorkar inbuatsaihna chu fakawm a tih thu a sawi a, kum lo kal zel turah mite sawi hlawh a nih zui zel a rin thu a sawi a ni. Pu Harsh Vardhan Shringla chuan Mizoram chu hmun mawi leh nuam tak a ni tiin G20 meeting chu ramdang leh khawvel mithmuhah Mizoram phochhuahna remchang tak leh hmasawnna rahbi pawimawh tak a ni dawn a ti bawk.

Tourism Minister Pu Robert Romawia Royte pawhin thusawiin G20 meeting neihna tur atan Aizawl khawpui thlan ve a nih chu a lawmawm hle tih a sawi a, sumdawnna leh economy-ah chang ni lovin tourism sector tihchangtlun leh tihhmasawnna tura hun remchang leh pawimawh tak a ni ngei dawn a ti. Minister chuan Fit India Movement behchhanin Mizoram chuan fitness a ngaipawimawh hle a ti a, taksa insawizawi leh infiamnaah te theihtawp an chhuah zel tih a sawi. Pu Robert Romawia Royte chuan Mizoram-ah 5G an launch a ni tawh tih sawiin G20 meeting neihna turah theihtawpa an inbuatsaih chho mek thu leh meeting hlawhtling tak an neih ngei a beisei thu a sawi.

Vawiin programme-ah hian Mizoram Chief Secretary Pi Renu Sharma in G20 Team te lawmna thu sawiin Meeting hlawhtling tak neih a nih theihnan Mizoram sorkar chuan theihtawp a chhuah a ni a ti bawk.