Vawiin khan Chief Secretary Pu Lalmalsawma IAS hovin CS Conference Hall-ah National Highways & Infrastructure Development Corporation Ltd. (NHIDCL) ten Aizawl to Tuipang kawng awmsa siamthat leh tih zau hnathawh tan dan tur an sawiho.

Meeting-ah hian NHIDCL Managing Director Pu Anand Kumar, IAS leh a thawhpui te, Principal Secretary PWD Pu Lalramthanga, IFS; Pu Zothankhuma, IAS, Secretary, Land Revenue & Settlement te leh he kawngin a kaltlang tur district Aizawl, Serchhip, Lunglei, Lawngtlai leh Saiha Deputy Commissioner te; Environment & Forest, P & E leh PHE hotute bakah LADC leh MADC Executive Member te an tel a ni.