363/2023-2024

Vawiin khan State Level Committee for Celebration of Remna Ni chu an Chairman Chief Secretary Dr. Renu Sharma kaihhruaina hnuaiah Secretariat Conference Hall, MINECO ah an thukhawm a. Kumin June ni 30 hi ‘Remna Ni’ vawi 37-na tur a ni a, State Capital Aizawl bakah District Headquarter zawng zawngah hman nise tih an rel.

Remna Ni pual hian lawmna chi hrang hrang - Essay & Quiz Competition te, Seminar / Talk Show, Peace Walk / Run, Painting & Photo Exhibition, etc te bakah Blood Donation leh One Day Health Camp te pawh buatsaih theih nise tih an rel a. Aizawl-a he Ni hmandan tur programme tur chu GAD ten ruahman se; District tinah District Level Committee siamin DC-te kaihhruaina hnuaiah Remna Ni hlim taka hmandan tur duan nise tih an rel bawk.