Vawiin chhun dar 12 khan Chief Secretary Pu Lalmalsawma hovin Chief Secretary Conference Hall ah UNO hnuaia peng pakhat ILO chuan Mizoram official lian dangte nen meeting pawimawh tak an nei.

Mizoram sorkar leh UN thawhdunna hnuaiah ILO te nen meeting tum hnih an lo neih tawh thurel bawhzuiin National Skill Development Corporation, Govt. of India in Skill Gap Analysis, Mizoram a an lo neih tawh dungzuiin Aizawl District-a khawpui leh thingtlang huapin kawng hrang hranga hnathawk thei turte dinhmun leh an thawh theih turte zirchiang hmasain Vocational Training Provider (VTP) leh sorkar hnuaia ITI te thurualpuiin hmalak tan nise. Hemi zawh hian District dangah chhunzawm nise tiin meeting chuan an rel a ni.

Meeting chuan midangte hnena training pechhawng thei turte tan training hmasa ber chu 17 - 28 August, 2015 hian ITI Aizawl-ah ‘Training for Trainers’ neih nise, Start and Improve Your Business (SIYB) Programme hnuaiah neih nise tih an rel bawk.

Meeting neih zawh hin Pu Lalhmachhuana, Director, LE & IT Department leh a thawhpui ten Training for Trainers neihna hmun tur ITI hmun UN team te hi an fanpui nghal a ni.

Meeting ah hian ILO hotu Pi Anjana Chellani leh Pu Partha Banerjee, Consultant leh Mizoram official liante an tel a ni.