Vawiin khan Lunglei HPC Vice-Chairman Pu S.Laldingliana chuan Lunglei Rahsiveng MHIP Building thar a hawng a, Bialtu MLA Pu Chalrosanga Ralte pawh hawnna inkhawmah a tel.

Rahsiveng MHIP Building hawnna inkhawm an President Pi H.Lalhmingliani kaihhruaiah Pu S.Laldingliana chuan MHIP kaltlangin Pathian rawngbawl hna an thawk a ni tih hre reng turin member-te a chah a. MHIP building thar pawh veng chhung leh veng pawn a mamawh apiangten an chhawr tangkai theih tura phal sak zel a, midangte tana malsawmna ni turin duhsakna a hlan a ni.

Bialtu MLA Pu Chalrosanga pawhin thu sawiin Rahsiveng khawtlang hruaitute leh tlawmngai pawl hrang hrang ten an veng chhunga ruihhlo ngai leh mi harsa zawkte tanpui nana tha nasa taka an thawh thin chu a fakawm hle a ni, a ti a. MHIP Building thar pawh sak zawma, themthiam thil inzirtirna training centre atana hman an tum chu a ropui a tih thu a sawi bawk.

Vawiin MHIP Building thar hawn tak chu Pu Ronald Sapa, MP(RS) MPLADS Fund atanga Cheng nuai 6 senga sak zawhfel a ni a. Rahsiveng MHIP hi kum 1982 atanga din niin tunah hian member 922 an awm mek a ni.