Vawiin chawhnu khan Arvind Ray, Chief Secretary chuan Secretariat Conference Hall, New Secretariat Complex-ah Border Area Development Programme (BADP) chungchang meeting a hmanpui. Chief Secretary chuan BADP programme chu border area, abikin Myanmar leh Bangladesh hnaiha awm te tan a pawimawh a tih thu a sawi a. Ramri hung te, kawngsiam te, school sak te leh scheme dang tam tak kalpui mek anih thu leh hna pawh tha tak a thawh  a nih thu a sawi a.

Hemi hun hi Pu Lalhmingthanga, Commissioner & Secretary, Rural Development chuan a kaihruai a. Pu Paul L. Khuma, State Nodal Officer chuan presentation neiin, Minister of Home Affairs atangin Kum 2017-2018 atan Nuai Rs. 4600.00 hmuh a ni a, Nuai Rs. 3993.21 hman niin, la hman loh Nuai Rs 1.15 chu kum 2018-2019 atan dah tlang nghal anih thu a sawi a. State Matching Share (SMS) atan installment hmasa ber Nuai Rs 445.26 dawn a ni a, Nuai Rs 444.11 hman a ni a, a la bang  Nuai Rs 1.15 chu kum 2018-2019 a tan dah tlang nghal a ni, a ti a. Pu L. Paul Khuma chuan Installment vawi hnihna atan Nuai Rs 592.64 chu ni 21.3.2018 ah hmuh a nih avangin, Budget Allocation leh Expenditure Sanction-te chu financial year 2017-2018 atan zawh hman a la ni lo tih sawiin, kum thar Fincancial Year 2018-2019 hma lamah tih fel thuai a ni ang, a ti. BADP atan a Annual Action Plan (2018-2019) hi Kum 2017-2018 aiin 25% in sum hmuh te hi a tam a ni, a ti.

He hunah hian Brig. MS Mokha, Dr. Arun T, Special Secretary te bakah Block Divisional Officer-te leh sawrkar mi pawimawh dang te an tel a ni.