Vawiin chawhma khan Mizoram Stenographers’ Service Association (MSSA) General Conference, 2016 chu Synod Conference Centre-ah hman a ni a, Chief Secretary Pu Lalmalsawma, IAS chu khuallian a ni.

Chief Secretary chuan stenographer-te chu ram hmasawnna atan a kil a lung tangkai in ni tiin mawhphurhna sang tak an neih thu a sawi a. An tel lo chuan sawrkar hna a kal chak theilo a ni, a ti. Thawhpuite nena inpawh tlang tak leh thahnemngai taka hna thawk tura chahin khuallian chuan tluang taka inkhawmpui an neih theih nan duhsakna a hlan nghal a ni.

Inkhawmpui hi session thumah thenin a hmasa ber hi MSSA President Pi Lalliannguri’n a kaihruai a. Vice President Pu M.S. Dawngliana leh Pi Ramhluni-ten a dang pahnih-te an kaihruai ve ve thung a ni.

Pension thlahna leh kaisang tharte lawmpuina hun hman a nih bakah rorel inkhawm leh hruaitu thar thlanna hun an hmang nghal a ni.