Vawiin khan Rashtriya Uchhatar Shiksha Abhiyan (RUSA) beneficiary College Principal leh RUSA Institutional Coordinator-te pualin I&PR Conference Hall-ah ‘State Level Sensitization Workshop on PFMS, Bhuvan RUSA-GEO tagging leh GIS Mapping’ neih a ni a. State Project Director (RUSA) leh Higher & Technical Education (H&TE) Commissioner & Secretary ni bawk Pu K. Lal Nghinglova’n kaihruaiin workshop hawnna leh RUSA Scheme hnuaia hmalakna pawimawh tak tak te a sawi.
Dar 11:30 AM atangin Technical Session neih a ni a. Pu Rajeswaran, Account Officer, INGAF-NER in Public Financial Management System (PFMS) hmanga RUSA sum chevel leh hman chhuah dan – Central atanga Institution (College) account thlenga a chhui leh lantir dan a sawi fiah a. Central atanga RUSA sum pekchhuah reng reng, State sawrkarin hreng rei lovin State Higher Education Council, RUSA account-ah a hun takah hmanna tura hman theiha pekchhuah a tul thu leh, chutiang bawkin College-te RUSA account ah dah luh sak thuai a tul thu-te sawi ho a ni. PFMS hian State in sum a thawh ve tur (matching share) a pek dan pawh a tarlan vek theih avangin a hun takah State sawrkar pawhin a pawisa thawh tur a pek chhuah a tul thu tarlan a ni bawk.
Bhuvan RUSA-GEO tagging - mobile phone application hmanga RUSA hnuaia hmalakna – Construction work, thil chei thar leh bungraw lei reng reng thlalak thawn (upload) zel ngai, hman dan leh tih dan zir ho a ni bawk a. He mobile phone application hmanga thla la a , thawn tur hian College awmna hmun dik tak, Global Positioning System (GPS) in a tarlan anga lak a ngaih avangin, a lema hmalakna kalpui tur venna atan a tangkai dan sawi ho a ni. RUSA hnuaia hmalakna hmasawn zel dan tur tarlang turin he application hmang hian thlalak thar (update) thawn zel tur a ni.
Geographical Information System (GIS) mapping hmangin RUSA beneficiary Insitution-te RUSA bank account, College dinhmun information tlangpui lakkhawm leh tarlan anih dan pawh sawiho a ni bawk.
He workshop-ah hian RUSA hnuaia hma lakna hrang hrang tha tak leh chak zawka kalpui tura tanrual leh theihtawp chhuah a tul dan te sawi ho a ni bawk. RUSA scheme hmanga hnathawh a takin a lang zel a, College-te nasa taka ti hmasawnin, College changtlung leh zirna tha zawk kan nei chho zel dawn niin he workshop-ah hian tarlan a ni. Workshop hi Addl. State Project Director leh State Higher Education Council-a Member-Secretary ni bawk, Prof. K.L. Pradhan-a’n thusawiin a khar.
