Nimin khan Pu Lalmalsawma, IAS, Chief Secretary, Mizoram chuan Kaladan multi Modal Transit Transport Project kawng laih mek leh Zochawchhuah khua a India leh Myanmar insumdawn tawnna hmunpui Zorinpui Land Custom Station sakna hmun tur a tlawh.

Chief Secretary chuan, ramin hma lam a pan zel theih nan inzarpharh deuh deuh a ngai a, ram thenawmte nena tam zawka indawr tawn a tul thin. He kawngpui laih mek pawh hian kan ram tan hlawkna tam tak min thlen ngei a rinawma, sawrkar laipui pawhin a ngaihven hle a ni. Tha taka puitlin a nih thuai theih nan kan in san mar deuh deuh a ngai a ni a ti.

KMMTTP Project Division II enkawltu Sr. EE Pu Lalthanzuala Ralte chuan an hnathawh dan tlangpui leh hmabak la awmte Chief Secretary hnenah hian report a pe a. Tunah hian hmun thenkhatah chuan Black Top hna thawh tan a nih tawh thu a tarlang a ni.

Chief Secretary hian Kolodyne Hydro Electricity Power siamna tura hnathawk mekte pawh an hnathawh dante sawipuiin a kawm bawk a ni.

Chief Secretary hi Lawngtlai Bawrhsap Pu J. Hmingthanmawia chuan a tawiawm a, tlai lamah LADC CEM Pu V. Zirsanga’n Chief Secretary puala zanriah a buatsaih chu an kilho nghal a ni.