MUP Thuampui Area thar lawmna inkhawm ni 18-04-2015 (Inrinni) khan ropui takin Thuampui Y.M.A Hall ah hman a ni a, chawhma lamah Pu K. Malsawma MCS (Rtd) President, M.U.P Gen. Hqrs. khuallian a ni a, chawhnu lamah Pu R. Hmingthanzuala, Director, Art & Culture Department chu khuallian a ni thung. Unit hrang hrang zaipawl te an zai bakah solo leh games hlimawm taktak entirin hun an hmang bawk a ni.

Khuallian chuan MUP te hi kan ram leh hnam kungpui ber an ni a. An ni ho thawhrimna avangin tunlai thangtharte hi tun dinhmun leh changkanna te lo thleng thei kan ni a. Hnamzia humhalhna kawnga Art & Culture Department nena thawhho zel a duhthu a sawi.