Directorate of SCERT hnuaia Child Right Protection Cell chuan Mizorama DIET Lecturer-te pualin naupangte danin a humhalhna te, an himna tur ‘Personal Safety Rules’ rilru hriselna leh naupang venhimna inkungkaih dan te, naupang venhimna tura (skill base) pawimawhna te, child line hman tangkai theih dan tur te an zir ho a. March Ni 6-7, 2018 chhungin training hi neih niin SCERT Officer te bakah he lam kawnga ukil thiam leh psychiatrist te resource person atan hman an ni.

SCERT Joint Director Pi D. Ramdinthangi chuan DIET lecturer te chu zirtirtute zirtirtu an nih anga dan thar leh child rights protection chungchanga thil thar awmte an hriat a tul thu sawiin Teacher Training Institute an nih anga in zir zau leh zirtirna tha pe tura training lak thin a pawimawh zia te a sawi a, naupangte dikna leh chanvo humhalh a tul rualin naupangte pawh an mawhphurhna zirtir uar deuh deuh turin a fuih a ni. Training chhung hian an zir tur life skills chungchangte, naupang khuaikhem leh an himna tura kawng hrang hrang an zirho turah hlawk taka an zir tlan a duhsak thu a sawi bawk a.

February Ni 27, 2018 khan he Cell hian Primary leh Middle School Teacher Associationte nen Sensitization programme an lo hmang ho tawh a ni.