Vawiin khan Chhimveng YMA Hall-Mamit ah District Child Protection Unit, Women and Child Development, Social Welfare Department & District Legal Service Authority huaihawtin Children's Day 2019 hman a ni a. Er H. Lalzirliana 3-Mamit MLA chuan khuallian nia hmanpuiin Dr Lalrozama IAS District Bawrhsap leh Pu Shashank Jaiswal IPS, SP te pawhin an hmanpui bawk.

He hun hmanpui Er H. Lalzirliana chuan Naupang vanduai enkawltu neilo tam tak an awm kara, zirlai naupang Children's Day hmang thei tura kalkhawmte chu an vanneih zia in hre turin a chah a. Naupangte chu kan hmalam hun siam turin keimahni kan pawimawh a ni tih hriain, amah ngei pawh an naupan laia an zirtirtu nu leh pa te'n nakina kan ram hruaitu tur in la ni dawn a ni tia an hrilh thin chu a hunlai chuan min bawlna mai mai emaw kan ti thin mahse a dik a ni tih hmutu zinga a tel thu a sawi. Naupang rilru thianghlim tak kan nih laiin thutlukna fel tak leh tum mumal tak kan nei tur a ni a ti.

Tunlai thalai zingah kan nun kan uluk loh avangin thih hun hmaa thi kan tam ta hle mai, hei hi a chhan chu nu leh pa leh kan zirtirtute thu kan awih loh vang a ni a ti. Mamit District chu Aspirational District kan nih angin Aspirational District MLA, Officer, Zirlai naupangte kan ni a. Hei hi kan tawpna tur leh kan awm rengna tur nilovin paukhauhna leh tumruhna tak tak nena hmalam huna rilru nei turin kalkhawmte a sawm a ni.

Khualzahawm Dr Lalrozama District Bawrhsap pawhin thusawiin kalkhawmte Children's Day chibai a buk a. Mi hmantlak leh chhawrtlak nih tum turin zirlai naupangte chahin, mi hlawhtlingte chanchin atanga inzira zawmtu nih tum turin kalkhawmte a sawm bawk a ni.

Pu Shashank Jaiswal SP Mamit leh Pi Gracy L. Bawitluang, CJM Secretary DLSA te pawhin thusawina an nei bawk a ni.

Vawiin Children's Day- ah hian Dr R.Lalrinhlua, DCPO chuan thusawina a nei a, Pi Laltharzeli, National Awardee, Member Village Level Child Protection Committee chawimawina hun hman a ni a. Kalkhawmte atangin thutiam sawirualna neih niin Mamit Khawpui chhunga zirlai naupang thahnem tak an tel a ni.