Aizawl khawpui timawitu lui pawimawh tak Chite Lui hi khawpuia chengten a lakah neitu rilru kan put loh avangin nasa takin tihchhiat  a ni a. Hetianga kan suasam zui zel chuan kan lui hlu tak hi siam that rual lohvin a chhe hlen thuai dawn a ni. Chite Lui humhalh leh venhim hi kan zavaia mawhphurhna a ni a. Chutih laiin, Chite Lui leh a kam tuakah mi tuten emaw phalna nei lovin leivung an paih thin tih hriat a ni a. Hei hian lui a tih bawlhhlawh bakah luidung tluanin nasa takin lui hmelhmang a tichhia a. An tawmbuk a hnawh nasat vangin luia nungcha a ti chereuva. Tin, a kama khawsate tan harsatna namenlo a siam sak a, an in leh lote pawh dinhmun hlauhawm takah a awm tir bawk a ni.

Hei vang hian District Magistrate Dr.A.Muthamma, IAS Aizawl District chuan Section 144 Cr.PC danin thuneihna a pek angin mipui vantlang him zawk nan hetiang hian khapna thupek a chhuah:

Mi tumahin Chite Veng leh Chite Lui dung leh a kam velah leivung leh bawlhlawh eng chi mah an paih tawh tur a ni lo. He dan bawhchhia a tilui an awm a nih chuan Section 144 Cr.PC dan hmangin an chungah hmalak a ni ang.

He thupek hian thupek chhuah ni 10^th October, 2017 atanga chhiarin thlahnih chhung a huam ang.