Vawiin chawhnu dar 2:00 khan Christian Hospital Serkawn Nursing School chuan Graduation Day 2011 chu Nursing Hall-ah neih an hmang. Pu Joseph Lalhimpuia, Vice Chairman HPC Lunglei chu khuallian a ni.

Pu Joseph Lalhimpuia chuan thusawiin Nurse hna hi Pathian rawngbawlna hna pawimawh tak a ni a, mahni eizawnna mai bakah midang te tana malsawmna hna thawktu ropui tak in ni a ti. Khawvel thiamna sang zel ah chuan Nurse te hna hi mamawhna a zual zel a chuvang in Nurse hna thawk turte tan hian hna dang 50% vel thawh tur a awm a ni a ti. Graduate te chu in thawh na hmun a piang ah in thuvawn te hre rengin leh Mizo hnam ti hmingthatu ni turin a chah a,

Nurse te hi damlote thlamuantu leh damdawi tha ber ni turin a duh bawk a ni. Christian Hospital Serkawn Nursing School chhuak te hi tisa damna rawngbawltu chauh nilovin Thlarau damna nen a thawk theuh tura a duh thu sawiin Graduate hi chanchintha hrilhna kawnga sulsutu leh thlarau bo chhan chhuak tu an nih a beisei bawk a ni. Nurse te hi Sawkar in a ngai pawimawh hle a, Serkawn Kristian Hospital Nurse Working Hostel sak nan sawrkar laipui priority list No.3 ah dah anih thu a sawi. Champhai, Serchhip leh Saiha ah te Nursing School sakna turte bultan anih thu a sawi a, Pu Mahima chuan Graduate 12 te hnenah Certificate hlanna a nei a, Best Graduate ah F. Lalthantluangi thlan a ni.

Inkhawm hi Dr. Lalramzauva, Medical Superintendent in kaihruaiin Rev. C.Vanlalhruaia, Chaplain in Devotion hun a hmang a, BCM aiawhin Rev. H. Lianngaia, General Secretary in thu a sawi bawk.