No.713/2021-2022

Aizawl, the 28th May, 2021 : Dr. Lalhmuchhuaka, Medical Superintendent, Civil Hospital, Aizawl chuan nimin (May ni 27, 2021) a Civil Hospital, Aizawl staff zinga COVID-19 hri kai hmuhchhuah an nih chungchangah a hnuaia tarlan ang hian hriattirna a chhuah:

Vanduaithlak takin Ni 27.05.2021 (Thursday) tlai dar 4:00 p.m vel khan Civil Hospital, Aizawl-a Driver Duty mi pali (4) leh Supervisor pakhat (1) te chu Covid positive an ni tih hriat chhuah an ni a. Anni hi enkawl tura dah hran nghal an ni.

Driver dang zawng hi RAgT test nghal vek an ni a, an negative hnuah RTPCR a test nawn leh vek an niin vanneihthlak takin an negative vek a ni. Driver dang zawng hi Primary Contact an nih avangin a zan la la hian Quarantine vek an ni a. Ni 10 hnuah RTPCR a test leh vek tura ruahhman a ni. Driver te nen hian engkim sawiho hnuah tlawmngai takin Covid-19 positive phurh kual chhunzawm an inhuam avangin uluk taka Full PPE nen an hna ngai hi kalpui zel tura ruahman a ni. An phurh turte hi Covid positive tho an nih avangin harsatna awm lemlo tura ngaih a ni.

Driver-te hi an Quarantine naah hian nitin an hriselna endik niin, hriselna pan deuh nei te chu an duty atanga awl tura tih rih an ni. Hospital routine duty (Covid positive phur tur nilo) tur hian kan hotuten driver dang chawpchilh takin an rawn pawt khawm nghal bawk a kan lawm hle a ni.

Civil Hospital, Aizawl ah hian Covid positive phur leh routine duty hi vawilehkhata tawp thut theih a nih loh avangin heng ruahhmanna hi chawpchilh taka siam a ni a, a tul ang zel a ennawn leh tihdanglam tur a ni ang. Driver-te hi an tlawmngaihna leh an inpekna a hluin a sang hle a, an chungah lawmthu kan sawi mawlh mawlh a. Kan tawngtainaah te lo hre theuh turin kan in ngen e.

Kan harsatna hriain a hnuaia driver-te hi min pui turin an rawn in volunteer nghal vat a, an chungah kan lawm hle a ni.

1. Vanlalchhanhima, Bethlehem Vengthlang
2. RMS Dawngpuia, Kanaan
3. MC Malsawmtluanga, Kanaan
4. Lalnunsanga, Bethlehem

Midang tlawmngaia inpe thei kan awm anih chuan inhriattir zel turin kan inhawng reng e.