October 2011 atangin Civil Secretariat, NSC, Khatla-a VIP hmu turte leh office dawr turte tan Visitor’s Pass hman a ni a, NSC Main Gate atang chauha luh phalsak an ni bawk a. Office-a thawkte chuan an ID an entir a lo ngai ta bawk a.

VIP te hmu duh leh office dawrtu hi kan tam thin avangin Visitors Pass la tura hun engemaw chen intlar a lo ngaih phah ta a. Hei hian mipuite tan harsatna a siam avangin sorkar chuan pawi a ti takzet a ni. Hemi tiziaawm tur hian Reception Counter pawh siam belh leh mek a ni.

Mi awm tha duh lo tlemte avangin office chhung atanga thil bo leh pawi khawih hi a lo awm tawh thin a. Chumi venna atana ruahmanna siam turin Secretary, Home Department hovin meeting neih a ni ta nghe nghe a. Meeting in ruahmanna hrang hrang a siam ang chuan Security hi kalpui a ni ta a. National Security Guard, New Delhi ten Minister te Office security dinhmun an enfiah a, rawtna an siam angin hetianga tih hi a lo tul ta bawk a ni.

Hetianga hma lak a nihna chhan tarlan hi mipuiten lo hriat sak a, lo hrethiam hram hram turin sorkar chuan mipuite a ngen a ni