Lungdai khua in faina beihpui an thlak kal zelah nimin khan a kharna hun hman a ni a, Pu Hmingdailova Khiangte, Parliamentary Secretary leh Bialtu MLA ni bawk chuan a hmanpui.

Pu Hmingdailova Khiangte chuan Lungdai khua in faina leh thianghlimna ngaipawimawh a hma an la chu lawmawm a tih thu sawiin, faina beihpui chu tawpsan mai lova kalpui zel turin a chah a ni.

Lungdai khua ah hian PHE, Kolasib district ten Swachh Bharat Mission kaltlangin fai leh thianghlimna awareness campaign an nei thin a, hemi hmalakna kalzelah a khua in Clean Lungdai Committee in dinin fai beihpui an thlak chhunzawm ta a ni.

Heng an hmalaknaah hian kawngpui dunga vawkin te sawnchhuakin, Lungdai khuaa yma branch tin ten fai inelna neiin hma an la a. In tinin ekin neiin, daifem leh khawlaia inthiar awmlohna khuaah Open defecation free a ngaih theih ni tawh mahse ekin thianghlim tawklo siamthat nan PHE lam atangin hma an la leh mek a, hemi zawh hian puan theih an ni tawh ang.

He hunah hian Pu F.Sanglura, Sr.EE, PHE Kolasib chu khualzahawm a ni.