Vawiin khan Clean Lunglei buatsaihin ‘Cleanliness Walk’ Lunglei khawpuiah neih a ni a. He hunah hian Clean Lunglei Volunteers mi 50 chuang thawk chhuakin volunteers te hian bawlhhlawh chhar faiin faina chungchang ziak Pamphlet an sem a, Lunglei khawpui lunlai takah bawlhhlawh bawm pahnih an hung thar bawk.

Clean Lunglei Volunteers te hian Lunglei Park atanga tanin Bazar Veng thleng he Cleanliness Walk hi an nei a,I&PR Conference Hall, Bazar Veng-ah Lunglei DUDO Pu RL Zidinga hovin kharna inkhawm leh intih hlimna hun an hmang zui a ni. Cleanliness Walk hian Lunglei mipui thlawp a hlawh hle a, mi hrang hrangin Clean Lunglei hmalakna atan tiin sum leh pai an thawh bawk a ni.

Clean Lunglei hi 2013-ah din niin Lunglei HPC Vice-Chairman ni thin Pu Joseph Lalhimpuia, Parliamentary Secretary hmalakna hnuaia din a ni a. He committee hnuaiah hian Clean Lunglei Volunteers din niin Clean Lunglei Sanitation Volunteers te hi a taka thawktu ber an ni ta a ni.

Clean Lunglei Volunteers te hian vawi-5 chuang Lunglei khawpui leh a chhehvel tih fai hnatlang an nei tawh a, Lunglei mipuite faina kawnga thanharh tir a, khawtlang mipuite a tam thei ang bera khawpui tih faina kawnga kawhhmuh hi an tum ber pakhat a ni.

Clean Lunglei hruaitute chu :-

Chairman - Joseph Lalhimpuia

Vice-chairman - Johny Zoramthanga

Member Secretary - RL Zidinga Clean Lunglei

Sanitation Volunteers :-

Chief Organiser - C.Lalhmingmuana

Dy.Chief Organiser - Ngurthansanga

Secretary - Gilbert Renthlei

Asst. Secretary - Lalhmangaihzuala

Manager - Zomawii Hrahsel & Michael L.Rokhum