Vawiin khan SSA Mission, Mamit District buatsaihin Cleanliness Day 2016 pualin Mamit Chhimveng Hall-ah hman a ni a, Pu Joseph Lalhimpuia, MLA Parliamentary Secreaty, School Education chuan khuallian niin a hmanpui.

He hun hmanpuitu Pu Joseph Lalhimpuia chuan zirna tihhmasawnna atana zirtirtute, nu leh pa leh khawtlang thawhhona chu lawmawm a tih thu a sawi. School tan hma chungchangah harsatna neuh neuh la tawk mah ila hei hian rah tha a la chhuah dawn a ni tiin, hei hian ram lama hnathawk tur leh Pisa kai tur thlengin zinglam hun thawl min siam a ni a ti. Faina kawnga mamit district hmalakna chu thil tha tak a ni a, naupang te rilru ah tifaitu i nih loh pawn a tibaltu nih tum kher suh? tih chu nghet taka an vawn a pawimawh hle a ni a ti bawk.

Mamit District chhunga Block Level Clean School Award hi Category thuma then a ni a, heng atanga school thlan chhuah pathum theuh te hi District Level Clean School Award dawng turin endik leh vek an ni.

District chhung atangin heng School te hian District Level Clean School Award 2016 an dawng a ni. 1. Govt. Primary School - I, Kawrtethawveng, 2- na Govt Primary School - II, Reiek leh 3-na Zawlnuam Public School (PS), Zawlnuam. Hei bakah hian Govt Middle School naupangte tana buatsaih District Level Painting Competition on Clean school in elna buatsaih niin, lawmman sem nghal a ni.

He hun hi Pu Micky R. Lalenkawla, DPC, SSA Mission chuan a kaihruai a, Pi Lalbiaksangi District Bawrhsap chu khualzahawm niin thusawina a nei bawk.

Pu Zaithankima Miller, Dy SPD, SSA Mizoram leh Pu V.L Malsawma, Dy SPD, RMSA Mizoram ten an hmanpui bawk.