755/2023-2024

Lunglei the 10^th June, 2023 - Tv Valallawmzuala Varte, Mission Veng Aizawl, Cleanliness Trekking Expedition a Lailapur atanga Khaykhi, Siaha District ke a kal tum chuan nizan dar 8 vel khan Lunglei lo thlengin tukin zing khan Lunglei chhuahsan in Lawngtlai lam a pan.

Tv LZ-a hian he expedition ah hian ke a kal hlir a hun a hman piah lamah hian a kalna kawng dung a bawlhhlawh paihhnawk awm te, a bik takin plastic bawlhhlawh te a chhar fai nghal zel a. Tv LZ-a hi Pu Hruaizela, Sairang chuan motor a zuiin a bawlhhlawh chharsa te ani hian alo phur khawm thin bawk a ni.

Pu Vanlallawmzuala Varte hian May ni 23,2023 atang khan Lailapur atanga ke a rawn kal tanin Khaikhy khua atanga km 10 vela hla Myanmar ramri bul thleng ke a kal a tum thu an sawi a ni. 

UD&PA Department, Lunglei chuan Tv LZ-a hi lo lawmin, a bawlhhlawh chhar khawl tawh te a paihna hmun taka paihsak turin Garbage truck in an lo lak chhawnsak a ni. DUDO, Lunglei aiawhin Er. K. Laltanpuia'n a kalkawng ei in senso phuhruk na tur sumfai a hlan bakah UD&PA, Department Lunglei buatsaih tui bottle leh key chain a hlan tel bawk.