Tukin zing khan Cleanliness Week 2017 hawnna hun Mamit charkawnah neih a ni. Pu H. Lianzela Addl Dc, DC charge la mektu chuan khuallian niin a hmanpui.

Khuallian Pu H. Lianzela Addl D.C chuan kalkhawmte chungah lawmthu a sawi a, faina leh thianghlimna kawngah India ram chuan nasa takin hma a la chhova, pawnlera inthiar awmlohna  Open Defication Free(ODF)ah  Mamit District chu  India ram pumah tuam (Cover) zau bera thlan kan nih thu a sawi.

Pu H. Lianzela Addl DC chuan tifaitu kan nih theih loh pawn tibaltu kan nih lohna tura tan la sauh sauh turin kalkhawmte a sawm a ni.

He hun hi Pu Zatluanga Sailo, President Sub Hqrs YMA chuan kaihruaiin Pu H.D Lalpekmawia DUDO chuan faina kawnga Mamit mipuiten hma kan lakna hrang hrangte report a pe bawk.

Pu H. Lianzela Addl DC kaihruaina in kalkhawmten Faina kawnga tanla tura thutiam tharna an nei bawk.

Cleanliness Week (2-9) October chhung hian Mamit khawpui chhunga vengfai, School Fai, Hotel/ Restaurant fai thlanna neih a ni dawn a, heng inelna turah hian tehfung hrang hrang siamin hemi hmang hian  endik  an ni ang.

Cleanliness Week hawnna hunah hian Mamit District tana  faina lam hawia intihsiakna (Swach Sankalp Se Swachh Siddhi) Essay, Short Film leh Painting competion ah te lawmman semna neih a ni a. Essay ah hian lawmman pakhatna Ramnghahmawii, Mamit Lungsir niin,  Short Film ah hian KTC  Lalrinchhana,  Mamit Venghlun chu pakhatna a ni a.   Painting Competition( Primary School)  ah hian Hmangaihzuali Cl- V PES Kawrthah chuan lawmman pakhatna a la bawk a ni. Heibakah hian Mamit khawpui chhung veng hrang hrang atanga faina hnatlang kalkhawmte atanga Slogan inziahsiak ah lawmman semn neih ngal niin R. Lalbiakfela Mamit Hmunsam chuan pakhatna dinhmun a hauh bawk a ni.