Vawiin chawhma dar 10:30Am khan DC Conference Hall-ah Faina Hapta kharna hun hman a ni. Pu N. Vabeiratlua, DIPRO, Siaha chuan he hun hi a kaihruai a ni.

He Cleanliness Week kharna inkhawm a khuallian Pu Bhupesh Chaudhary IAS, Deputy Commissioner chuan thu sawiin, Mizoram chhunga District capital zingah Siaha khawpui chu  Faina lama  palina (4th rank) kan ni a. Town 27 zingah 7 kan ni thung a ni. A lawmawm viau rualin tan kan lak zual sauh sauh chu a ngai hle a ni, a ti.
He cleanliness week programme kan khar hian Faina lama hmalakna te kan titawp tawh tih lam a kawk lova, sawrkar in a programme hman hun tura a ruat ve mai a ni tiin, faina hian tawpchin a nei tur a ni lo, habit-ah kan neih a til zawk a ni, a ti bawk. Khawtlang hruaitute leh Department hotute chu faina lama an mi leh sate hnen a zirtirna uar lehzual a kalpui zel tura chahin, zirtirtute leh nu leh pate pawh naupangte rilruah fai duhna leh nawm zia tu nghet tum tlat  turin a chah hlawm bawk a ni.

Dr. C. Lalrosanga, District Medical Superintendent pawhin faina chungchangah  sawiin,Ringtu tan fai hi kan tih makmawh a ni, a. Tifaitu kan nih loh pawhin ti bawlhhlawhtu nih i tum lovang u; tiin vawiin programme chhimtu mipuite hnenah a chah bawk a ni.

Faina Hapta pual a inelna chi hrang hrang buatsaih  a lawmman dawngtute chu :-
1. Editor/News Paper

1st---  Pu B. Dawpho, The Times of Maraland.
2nd---- Pu M. Baithai, Chhim Aw
3rd------Pu HC. Beichhuatha, Maraland te an ni.

2. Veng fai ber
1st--- College vaih-I 2nd------Meisavaih-'W'
3rd------ New Siaha East-I te an ni.

3. Restaurant fai ber
1st---  Doulas Restaurant
2nd---- South Gate Restaurant
3rd----- Hansons Kitchen te thlan an ni.

4. Office fai ber
1st--- District AH&Vety office
2nd----- District Treasury Office
3rd----DIET, Siaha te an ni.

5. School fai ber
1st----- Joel Public School
2nd------Govt. P/S-I, Meisavaih
3rd-----Govt. P/S-I, Meisatla a ni.

6. Faina Hapta puala Essay Competition inziahsiakna a lawmman latu chu Roneihmawii, Class-X zirlai, Southern Comprehensive Academy   a ni.

7. Painting competition a lawmman pakhatna chu Stacy H. Ngohnei, Class-X zirlai, Auxilium High School, Siaha in a dawng bawk a ni.

Faina Hapta hman chhunga discipline hrang hrang a Judge tura ruatte hnenah pawh lawmman sem nghal a ni bawk. Pi B. Malsawmtluangi, D.P.O leh SDO(S) ni bawk chuan lawmthu sawiin he faina hapta kharna programme hi a titawp a ni.