Ni 3.10.2019 khan Pi Linda-i, kum 33, w/o Vanlalvena, Tlangkhang khua chu a taksa kang nasa tak avangin zan dar 11 ah Bairabi PHC ah hruai a ni a. First Aid pek anih hnu ah treatment la turin Kolasib Civil Hospital panpui a ni. Heta tang hian Aizawl Civil Hospital-ah refer niin Zoram Medical College-ah hruai phei leh a ni a, ni 4.10.2019 zan dar 11:30 ah thlenpui a ni. Pi Linda-i hi a hliam tuar lovin ni 05.10.2019 tlai dar 4 khan a boral ta a ni.

Pi Linda-i thih thuah hian a farnu Pi Rangsaiti, South Chhimluang, Kolasib District ami chuan a pasal Vanlalvena aka Tevena (43) s/o LB Sanga, Tlangkhang chu ringhlelin ni 6.10.2019 khan Mamit PS ah complaint a thehlut a. Mamit PS Case No. 44/19 dt 06.10.2019 u/s 302 IPC ziahluh a ni a, accused Vanlalvena pawh police kutah awmin investigation tihzui nghal a ni.

Tuna investigation atanga a lan danin, Pi Linda-i thih chhan hi tihpalh emaw an nupa inkar buaina emaw a ni thei a, uluk taka chhui mek zel a ni. Tunah chuan tualthah (murder) case anga ngaih a ni. He thihna thlen chhan hi Bru leh Mizo inkar anga lak tur a ni lova, thihna thlen chhan tak hi dan anga uluk taka chhui zel a ni.