Faina Hapta leh RTI week hman dan turin relin vawiin khan Mamit DC Conference Hall-ah Mamit DC Pu Vanlalngaihsaka hovin District official te leh khawtlang hruaitute an thukhawm.

Kumin Faina hapta hi Swachh Bharat Mission(SBM) nena kal tlang tura tih a nih angin a hmingah "Swachh Bharat Mission Cleanliness Week " tih a ni a, a tam thei ang bera SBM chungchang tarlan a ni dawn a ni. October 2 hian Hapta hawnna pui zing dar 7:00 ah Charkawn,Mamitah neih a ni anga hei bakah hian veng tinah mahni remchan dan ang theuha hman tura rel a ni a, hnatlang neih zui nghal a ni dawn a ni. He hapta pual hian Veng, Zirna In leh Office leh achhehvel vawngfai te hnenah lawmman pek a ni ang.

Vawiin vek hian RTI week (October 5-12) hman dan tur rel a ni bawk a. RTI week hi I&PR Conference Hall-ah October 12 a hman tura ruahman niin, RTI Act chungchangah thupui thlan bik hmangin Debate leh quiz neih tura rel a ni a. Hei bakah hian RTI Act zirhona neih a ni bawk ang