2685/2026-2027

Aizawl the 15th October 2026: Vawiin khan Chief Minister Pu Lalduhoma chuan Civil Hospital, Lungleia hman tur Ambulance thar Health & Family Welfare hotute a hlan.

Ambulance hi Chief Ministers Charitable Trust hmalaknain Rays Power Infra Ltd te CSR hmanga lei a ni a. Rays Power Infra Ltd hotute hian Chief Minister hnenah hian an hlan phawt a, Chief Minister hian a hmangtu tur Health & family Welfare hotute hnenah a hlan vet hung a ni. Chief Minister hian an CSR Fund hmanga Mizoram tana hna an thawh avangin Rays Power Infra Ltd te chungah lawmthu a sawi a. Mizoram chu India rama CSR dawng tlem ber state zinga mi kan ni a, Fund tam tak seng kher lo pawhin thil tha, state pumpui tana tangkai thawh theih a tam si a. Corporate lianten an CSR hmangin tam zawkin hma rawn la se kan duh em em a ni. Rays Power Infra Ltd te pawhin hma min laksak chhunzawm zel se kan duh hle a ni, a ti.

Ambulance hi Chief Minister hnen atangin Pi Lalnunmawii, Addl. Secy, Health & Family Welfare Department leh Dr. Lucy Ramhmingliani Renthlei ten an dawng a, Rays Power Infra Ltd lam atangin Pu Siddarth Sharma, CA, North East Commercial & Finance Head leh Pu Gordhan Sharma te an rawn tel a. Chief Minister’s Charitable Trust atangin Pi R Lalrodingi, CEO, Pu Raymond Lalmuana, Secretary leh Pu Lalrinawma Khiangte, Member te an tel bawk.

Tun hnaiah sorkarin CSR Fund tam zawk Mizoramin a dawn theih nan kawng hrang hrangin hma a la a. Nimin maiah pawh khan Chief Minister hian ZMC & H ah SBI Mutual Fund leh Doctor for You te nena tang tlanga CSR hmanga thawh CTVS Unit a hawng a. ni CSR hmanga hmalakna dang pawh eng emaw zat kalpui mek a ni.