India ram pumin December ni 7-a Armed Forces Flag Day' kan hman thin chu rokhawlhna avangin a hunah Mizoramah hman a nih theih loh avangin nimin khan hman a ni a. He mi pual hian Chief Minister Pu Lal Thanhawla chuan  Ex-Servicemen-te leh an chhungte chu duhsakna a hlan a. Nimin chawhnuah khan Chief Minister Pu Lal Thanhawla chuan Armed Forces Flag Day pual hian a pisaah Sainik Welfare & Resettlement  Director Maj. Zosangliana Hualngo, Retd. leh  Ex-Service League hruaitute hnenah Exservicemen te leh an chhungte puala tanpuina sumfai a hlan a ni.

Armed Forces Flag Day-ah hian indona-a nunna chanta sipai nupui fanaute, hliam tuar a ramtuileilo a awmte, Ex-Servicemen leh hmeithai harsa zualte tan Car leh Sticker Flag zuara tanpuina khawn a ni a. He tanpuina khawn khawm hi 44,359 (Cheng singli sangli zathum sawmnga pakua)  a ni a, tlawmngaia thawhlawm petu zawng zawngte chungah Sainik Welfare Department-in lawmthu a sawi a ni.