India ram Prime Minister Pu Narendra Modi-a'n Mizoram a rawn tlawh tur chungchanga inbuatsaihna atan vawiin  chawhma dar 9.30 khan Chief Secretary Conference Room ah Chief Secretary Pu Lalmalsawma hovin sawrkar mi pawimawhte an thukhawm.

Prime Minister hi December ni 16, Inrinni hian Mizorama lo zin tura beisei a ni a. Venhimna tha tak hnuaiah mawihnai tak leh tha taka dawnsawn a nih theihnan sawrkar chuan inpuahchahna uluk takin a kalpui a. Vawiin meeting ah hian Secretary to Governor, Principal Secretary to Chief Minister, DGP, IGP, Planning Department, GAD, PHED, PWD, P&E department, Aizawl DC, Police SP (Security, Traffic, CID, Aizawl), Fire & Emergency Service,  Health Department, I&PR Department, Art & Culture Department, Tourism Department, Horticulture Department, 46 Assam Rifles, 457 Field  Hospital, GAD Aviation Wing, NEEPCO, NERAMAC leh MFA hotute an tel kim hle a. Ruahmanna felfai leh kimchang tak buatsaih a ni.