Him zawka internet hman dan inzirtirna hun "One Day Workshop on Surf Smart" tih chu Aizawl khawpui chunga Mizoram Scouts & Guides tan vawiin khan Sports and Youth Services Department buatsaihin Central Hall, Venghlui Aizawlah neih a ni.

He hunah hian Dr.Rualkhuma Colney, Asst. State Commissioner (Scout) & Principal, Govt. Law College chu khuallian niin, Scouts & Guides kalkhawmte hnenah chuan ngaihtuahna huaisen tha hmang tangkai thiam mi nih a tul thu a sawi a. Pi Saizampuii, State Secretary chuan hun hi kaihruaiin, Cyber Crime chungchang Timothy R.Lalhmangaiha, DSP, CID hnen atangin zirtirna ngaihthlak a ni a, Tv. Lalthlanthanga SOC (S) leh Tv.Zothansanga ASOC (S) ten internet hman tangkai thiam tulna an zirtir bawk.