No.1200/2021-2022

Lunglei the 1st July, 2021 - Vawiin chawhma dar 11:00 khan Dr.L.C Liana, Chief Medical Officer Lunglei chuan a Office Chamber ah Lungleia media mite a kawm. He hunah hian CMO Dr.L.C Liana leh Dr. Lalrinthangi Senior Medical Officer te chuan July ni 1 atanga ni 15 chhunga Intensified Diarrhoea Control Fortnight kalpui an tum dan an sawi.

Intensified Diarrhoea Control Fortnight chhung hian Health Worker leh Asha te kaltlangin Lunglei District chhunga naupang Kum 5 chin hnuai lam tan In tinah ORS leh Zinc sem anih dawn bakah kawthalo te tan Sub Centre ah ORS leh Zinc lak theih niin Zinc hi ni 14 chhung an eitur a ni a. Kawthalo chu Covid-19 symptom pakhat a nih theih avangin Containment Area-a kawthalo te chu Covid test neih ngei ngei tur a ni a. Dr.Lalrinthangi chuan khawvel ah naupang kum 5 hnuailam thi za zela sawm chu kawthalo vanga thi an nih thu sawiin India ramah chuan kum khat ah naupang kum 5 hnuailam nuai khat vel in an thihpui thin, a ti a. Mizoram ah chuan kan ziaawm tawh hle a, kawthalo laka fimhlim tur hian ei leh in fimkhur bakah midangte nena ei leh in tur inpek tawn lakah fimkhur angai hle tiin, tuna Diarrhoea Fortnight hman chhung hian Lunglei District chhunga Naupang kum 5 hnuai lam mi 14,437 te hnenah kawthalo danna damdawi pek tum a nih thu Dr.Lalrinthangi SMO chuan a sawi.

Thuthar lakhawmtute zawhna chhangin Covid hri kai pawh kan pun zel loh nan fimkhur leh thuawih a tul tak meuh a ni tiin contact tracing kalpui naah SOP bawhchhia leh Covid Appropriate Behavior (CAB) zawm thalo mi tam tak chhui chhuah an nih thin thu sawiin mintinte tun aia kan fimkhura CAB kan zawm that lehzual a tul takzet a ni, a ti bawk.