No.1199/2021-2022

Dated Khawzawl, the 1st July, 2021: Nimin khan Pu Zothanmawia, Deputy Commissioner & Chairman, Khawzawl District Disaster Management Authority hovin Khawzawl DDMA leh Khawzawl Town chhunga Village Level Task Force (VLTF) Chairman-te chu DC Conference Hall-ah an thukhawm a, July ni 15, 2021 thlenga Khawzawl District-a Containment Order kalpui dan tur an rel a ni.

Khawzawl DC Pu Zothanmawia chuan Khawzawl District-ah Covid-19 hri kai awm thin mahse tualchhunga inkaidarh a awm lo chu lawmawm a tih thu a sawi a. Enkawl sen loh leh thunun zawh loh khawp hri kai an la awm lo a, Mizorama District hrang hrang zinga dinhmun ziaawm ber zinga mi a ni mek chu hri do kawnga thawktute thawhrimna leh mipuite thuawihna rah a ni, a ti bawk.

Khawzawl District Bawrhsap hova meeting-ah hian passenger phur chi lirtheite (Taxi, Maxi Cab etc.) chu service pangngaiin service rih lo se, phalna nei a pawn chhuak leh zinte, inkaihhruainain a phalsak sa te veivah nan chuan heng lirtheite hi hman/hire theih ni thung se tiin rel a ni. Dawr hawn chungchang ngaihtuah niin, Lirthei workshop leh tyre works, thlaichi dawrte chu nitin zing dar 5:00 atanga tlai dar 6:00 thleng hawn phal nise, dawr dang, chawhmeh, sa leh thlai zawrhna, thingpui dawrte chu home delivery tiamin Thawhlehni leh Zirtawpni-ah zing dar 5:00 atanga chawhnu dar 1:00 thleng, nidang zawngah zing dar 5:00 atanga dar 10:00 thleng hawn nise tih a ni bawk.

Nimina DDMA leh VLTF hruaitute meeting chuan zing exercise (walk, tlan, cycling etc.) la turte chu phalna la hmasa lovin zing dar 4:00 atanga dar 7:00 thleng chhuah phal a ni a, punkhawm erawh phal loh nise tiin a rel a. Sports practice chu indoor-ah mi 10 aia tam lo leh outdoor-ah mi 25 aia tam lo tan zing dar 5:00 atanga dar 9:00 thleng phal nise, a hun taka ban chungchang chu hall management leh practice buatsaihtuin mawh phur se tiin rel a ni.

Meeting-ah hian Mizoram chhung hmundang, a bikin Aizawl atanga rawn haw/zinte chungchang zau taka sawiho a ni a. District Administration, Zonal Officer, Medical team leh Village Level Task Force (VLTF) ten a tul ang zela hmalak ho thin nise tih a ni.