Pangang vulhtuten an mamawh leh an nghahhleh em em, Cocoon Purchasing Centre chu Saitual-ah Pu C. Lalthankhuma, Secretary, Sericulture Department chuan ni 28.8.2012 (Thawhlehni) khan a hawng.

He Centre ah hian Cocoon ur ro na (cocoon drying oven) khawl pahnih (2) bun nghal a ni a, hawn ni hian Saitual leh a chhehvel khua a mite thar chhuah Cocoon Kg. 126.5, Rs. 22,431/- man chu department ten an lei sak nghal a ni. Helai chhehvel khua te chuan an cocoon thar chhuah apiang awlsam takin he hmunah hian an hralh zel thei dawn ta a ni.

Hemi ni vek chhun dar 12:30 ah hian Saitual BRC Hall-ah NLUP Phase II Beneficiaries, Saitual, Sihfa, Keifang, Tualbung, Lungpher leh Rulchawm khua chhungkaw 142 te hnenah Sericulture Department chuan sumfai Rs. 5,000/- theuh Lo vah man atan an sem nghal a ni.

Pu Thankhuma hi, Director Sericulture Pu D. Enga, Pu Lalrinmawia, Dy. Director (NLUP Nodal Officer) Pu Rozama, Principal, STI, Pu C. Rozawna, District Sericulture Officer leh Pu Lalremsiama, ADS bakah Sericulture Officer engemaw zatin an tawiawm a ni.