Committee on Local Fund Accounts(COLFA) chuan an chairman Pu John Siamkunga, MLA hovin champhai District chhunga 13th Finance Commission hnuaia Local Administration Department hmalakna thenkhat an endik a. COLFA Chairman hi Committee member- Pu T.Sangkunga, MLA; Pu Lalthanliana, MLA; Pu R.Vanlalvena, MLA leh Er. Lalrinawma, MLA bakah Committee Officer Pu John Lalrinawma leh LAD hotuten an tawiawm a ni.

COLFA te hian nilai ni khan Dulte,Kawlkulh,Tuipui leh Chhungte VC te hnathawh hrang hrang an endik a. Ninga ni khan Champhai khawpui chhung a veng hrang hrang-New Champhai, Zote, Tlangsam, Zotlang, Ruantlang, Bethel, Venglai, Vengthlang North, Vengthlang, Kahrawt, Vengsang, Electrict, Kanan leh Dinthar veng VC ten 13th Finance Commission atanga sum hmuh hmanga hmasawnna hna an thawh hrang hrang te endik in Circuit House ah COLFA memberte leh VC memberte hian inkawmhona nei in COLFA hmalakna leh kalphung inhrilhriatna hun anhmang bawk. COLFA memberte hian zirtawpni zingkarah Champhai chhuahsan in Khawzawl khawchhung VC hrang hrang te hnathawh an endik leh hnuah, Aizawl panin an kir leh a ni.