Vawiin ah tlaiah khan Mizoram Governor Lt Gen Nirbhay Sharma (Retd) chuan North East Frontier Railways official te Raj Bhavan ah ko in Sairang Railway Station sak dan tur chungchang a sawipui.

Pu Hari Singh, Deputy Chief engineer, NF Railways, Pu Dhurv Gupta, Architech Engineer leh Pu Malay Baruah, Executive Engineer, NF Railways  te chuan Governor  Lt Gen Nirbhay Sharma (Retd) chu Sairang Railway Station Complex kalpui an tum dan te computer hmang in an hrilhfiah a. Governor chuan  ramngaw ti chereu lo tur leh tualchhung mite rilru mil zawnga Rel station sak a that ber thu engineer te hi  a lo hrilh a.  Hospital, Cold storage, Warehouse leh school tha tualchhung mite hman ve theih tur Rail station Compound ah dah tel ngei a nih nan NF Railway in hma a lak a ngai a ti. NF Railway hotute chu Railway Stattion Design Competition  siam a Mizoram a Architech leh engineer te sawm tur in a chah bawk a ni.