Vawiin khan Kolasib bialtu MLA Pu PC Zoram Sangliana, MIFCO Chairman chuan College Veng Hall sakna turah lungphum a phum.

Pu PC Zoram Sangliana chuan Hall sakna tur atana khawtlang mipuite inpekna chu lawmawm a tih thu a sawi a, a sakna tur sum ai mahin a saktute inpekna leh inhuamna chu Hall atan a pawimawh ber thu a sawi.

College Veng YMA president Lalrinzuala'n report-ah a tarlan danin Hall hmunhma hi MP fund Rs. 1.5lakhs leh MLA fund Rs. 1lakh bakah veng mipuite thawhkhawm cheng singnga sengin an lei a. Hall sakna tur lungphum inkhawmah hian veng mipui thahnem tak an tel a ni.