Nimin tlai khan AH & Vety Department hnuaia NLUP 3rd & 4th Phase dawngtu Lawngtlai West Cluster chhunga beneficiary 79 hnenah ar note leh ar vulhna hmanrua sem a ni.

NLUP 3rd leh 4th Phase hnuaia ar vulh thlangtute hnenah hian ar note 100 theuh sem a nih bakah, a chaw leh damdawi leh tui pekna litre 300 dawng pek tel a ni bawk.

Lawngtlai West Cluster hian Lawngtlai khawpui chhung bakah Mampui, Ngengpuikai, Bungtlang South, Vaseikai leh Chawngte Centre te a huam a. He'ng centre tinah hian ar note leh ar vulh nana hmanraw tul dang te hi sem chhunzawm zel tura ruahman a ni.