Higher & technical Education Minister Pu R.Romawia chuan vawiin khan Chanmari YMA Hall, Aizawl-ah Commerce & Industries Department hnuaia Aizawl khawpui huam chhunga NLUP 3rd Phase beneficiary 210 te hnenah NLUP 2nd Installment a sem.

Pu R.Romawia chuan NLUP kaltlanga tanpuina sum semchhuah hi a tam tham em em a, a dawngtu tur an tam bakah Mizoram pum tuamchhuah anih bawk avang hian a buaipuitu sawrkar hnathawkte an indaihlo ve em em a ni a ti a, fimkhur taka tih a ngai bawk si nen hmanhmawh rum rum a sem theih ani loh tih hrethiam tak chunga dawhthei taka phunnawi miah lova an lo nghah tang tang thin avangin NLUP beneficiary te hnenah lawmthu a sawi a; a dawng tura thlanchhuah zawng zawngte chuan an dawn tur zat an dawng kim ngei ngei dawn a ni a ti bawk.

NLUP hnuaia hma la tha te tan NEDP kaltlangin kawng sial sak an nih dawn thu sawiin mimal tana thawh harsa- thlai thar phurhchhuahna tur kawng laih, thlai thar dahthatna tur in sak, a sawngbawl dan inzirtir leh a hralhchhuahna tur tha tawk ngaihtuah sak te bakah thil chi hrang tam tak NEDP kaltlang hian tih anih dawn thu a sawi a, Sawrkar chuan chhungkaw tin hi chhuanchhama an awm loh nan hma a la zel dawn a ni a ti bawk.

Thu a sawi zawh hian khuallian hian NLUP beneficiary pasarih hnenah tanpuina tangkafai a hlan a, an ni bak midang zawng chu Actual Payee Receipt leh tanpuina sum dik taka hmang tura intiamkamna an ziah hnu ah an bank account ah thun sak vek an ni.

Vawiin a NLUP tanpuina dawngtute hi Aizawl khawpui huam chhunga 3rd Phase beneficiary te niin hetiang hian sem a ni : 

Trade

Beneficiaries

Dawn zat

Total

1.    Carpentry-I

78 nos

Rs. 85,000/-

Rs. 66,30,000/-

2.    Carpentry- II     

64 nos

Rs.97,600/-            

Rs. 62,46,400/-

3.    Handloom           

67 nos.

Rs.47,000/-            

Rs. 31,49,000/-

4.    Petty Trade            

1 no.

Rs.50,000/-        

Rs. 50,000/-

 

 

TOTAL

Rs. 1,60,75,400/-

 Commerce & Industries department hnuaiah hian NLUP Trade chi hrang hrang 3  a awm a, tunah hian 1st Phase leh 2nd Phase sem zawh tawh niin 1st Phase atanga 4th Phase thlenga beneficiaries an neih zat lwh sum ruahman zat chu hetiang hi a ni :

Phase

Beneficiaries

Amount

1st

6239 nos

Rs. 57,49,45,000/-

2nd

3763 nos

Rs. 31,20,20,000/-

3rd

2542 nos

Rs. 14,09,18,700/-

4th

1192 nos

Rs.  2,38,40,000/-

Vawiin NLUP sem inkhawm hi Pu Lalhrilliana, Nodal Officer, NLUP,  Commerce & Industries Department in a kaihruai a, Pi R.Lalrodingi, General Manager, District Industries Centre, Aizawl in technical report a pe a, Pu CT Rosiama, Deputy Director, Commerce & Industries Department in lawmthu sawiin hnu a khar a ni.